زنجان باياتيلاری / رضاعلي کريمي

سو گلر قالخا- قالخا

تؤكوٍلوٍر بيزيم آرخا.

بوردا بير قـيز سئوميشم

آنامدان قوْرخا- قوْرخا.

 


آذری 8 -جی سایی (ائل دیلی و ادبیاتی درگیسی 15-جو سایی)  1384-جی ایل

www.Azelbilimi.com


سو گلر قالخا- قالخا

تؤكوٍلوٍر بيزيم آرخا.

بوردا بير قـيز سئوميشم

آنامدان قوْرخا- قوْرخا.

بو داغلار مئشه داغلار

چاتـين باش باشا داغلار

ايجازه وئرين گلسين

دؤنمه‌يين داشا داغلار

دالان آلتدا دالان وار

دالاندا يـئر سالان وار

گئديرسن تئز قايـيت گل

گؤزوٍ يوْلدا قالان وار

داغلارا دوْلو دوٍشه‌ر

قار ياغار دوْلو دوٍشه‌ر

قبريمي يوْل اوٍسته قازين

دوْست گلر يوْلو دوٍشه‌ر

عزيزيم ارخينن گل

چمندي چرخينن گل

قبريم اوٍسته گلنده

اوتانما خلخينن گل

بو داغلارين قاري منم

گوٍن دوٍشنده اريمه‌رم

قوزايدا قازين قبريمي

من جاوانام چوٍروٍمه‌رم

آذری 8 -جی سایی (ائل دیلی و ادبیاتی درگیسی 15-جو سایی)  1384-جی ایل

www.Azelbilimi.com

Sosial Şəbəkələr