ارزیل کندینده علم دَبی

12ارزیل کندینين ورزقاندان 160 کیلومتر فاصيله‎سي واردير. قوزئیدن گولئحیر ( گول آخیر) کندی ايله  هم‌كؤیشندير، گؤزل آلما، گیردکان ... باغلاری اولان بو  كند هوندور داغلارين قوجاغيندا سالينيبدير. یئددی مقدس شخصین مدفنی اولان بیر ايمامزاداسي واردير.  ايمامزادانين دؤره‎سينده  زووارلارا بئش اوتاق سالينيب، بورادا گلن قوناخلارا ياخشي ايمكانلار حاضيردير. کندين گؤزل یاشیللیغي، گؤي _ چيمنلي اؤروشلري وار،  دئمك توریستیک جاذیبه‌یه مالیک بیر کنددیر.  یوز  ائولیدن عیبارت اولان  بو كندده دؤرد یوزه ياخين اهالی ياشاماقدادير.

-----------------------------------------------------------------------

توپلایان: رحیم قابل نژاد

قایناق شخص :  حاج آقا مجیدی كندين موللاسي.

ارزیل کندینين ورزقاندان 160 کیلومتر فاصيله‎سي واردير. قوزئیدن گولئحیر ( گول آخیر) کندی ايله  هم‌كؤیشندير، گؤزل آلما، گیردکان ... باغلاری اولان بو  كند هوندور داغلارين قوجاغيندا سالينيبدير. یئددی مقدس شخصین مدفنی اولان بیر ايمامزاداسي واردير.  ايمامزادانين دؤره‎سينده  زووارلارا بئش اوتاق سالينيب، بورادا گلن قوناخلارا ياخشي ايمكانلار حاضيردير. کندين گؤزل یاشیللیغي، گؤي _ چيمنلي اؤروشلري وار،  دئمك توریستیک جاذیبه‌یه مالیک بیر کنددیر.  یوز  ائولیدن عیبارت اولان  بو كندده دؤرد یوزه ياخين اهالی ياشاماقدادير.

محرم آييندا يوردوموزون باشقا يئرلرينه تاي بو كندين ده اؤزونه مخصوص دبلري وار بونلاردان بيري علم دبيدي. تاسوعا گونو نذیر دئینلر  ایسته‎دیگی قدر کوکه (فتیر) پیشيريب، آخشاما ایکی ساعات قالاندا کندین مئیدانینا ييغيشارلار. مئيدانين  اورتاسيندا اولان علمین دؤوره‎سینده هالاي ووروب،  شاخسئی گئدرلر. بیر ساعات اذانا قالميش شاخسئی قوتارینجا مئيدانین دؤوره‎سینده اولان سككی‌لرده اوتوروب، ایکی قروپا بؤلونوب، نوحه اوخویارلار.

بو نوحه‌لری بیر قروپ اوخويار او بيريسي ده جاوابين وئرر.

علمین یانیندا بؤیوک پالاز سالارلار. خسته‎سي اولان، اوغلو عسگر اولان، ائولاد دردي چکن، نيّت ائله‎ديگي  نذیرلري  بالاجا مَژمئیلره (قطری اللی سانتیمتر) ييغيليب اوستو اؤرتولو گتيردیکلری (کوکه‎لرين گؤرونمه‎مه‎سي اوچون اوستلريني اؤرترلر) نذير كوكه‎لريني پالازین اورتاسينا تؤکولر.

ييغيلان كوكه‎لر اذان چاغی بوتون کندليلر آراسیندا پایلانار. آخیردا نذیرلرین قبول اولماسينا  دوعالار اوخونوب مراسيم شاخئسيله قوتارار.  نذير كوكه‎لريندن باشقا بو مراسیمده چوخلو قوربانلیق دا كسيليب اتي كند اهلینه  پايلانيلار.

قایناق: ائل بیلمی درگیسی، 25. سایی


Sosial Şəbəkələr