خويدا خيدير نبي مراسيمي )سيد ابوالقاسم انجوي شيرازي(

كيچيك چيلله‌نين باشلانيشي پيشيكلرين «ميروو» واختينا دوشر، خويلولارين اینانجینا گؤره ديشي پيشيك اركك پيشيگه دئير: «نوروز، نوروز» و اركك پيشيك ایسه «نرگیز، نرگیز» دئیه جواب وئرر. بو سسلري دویان جماعت پيشيكلرین  حامیله‌ اولدوقلارین  بيلرلر. بير يئره ييغيشيب باشلارلار خيدير نبي قاووتي دوزلتمگه، چوخ دا يئمه‌لي‌ اولار.

خويدا خيدير نبي مراسيمي

سيد ابوالقاسم انجوي شيرازي


قایناق: ائل بیلیمی درگیسی 22-جو سایی  (خوی اؤزل سایی)

El Bilimi Dərgisi 22. Sayı  (Xoy özəl sayı)


ترجمه‌چی: عليرضا ذيحق


كيچيك چيلله‌نين باشلانيشي پيشيكلرين «ميروو» واختينا دوشر، خويلولارين اینانجینا گؤره ديشي پيشيك اركك پيشيگه دئير: «نوروز، نوروز» و اركك پيشيك ایسه «نرگیز، نرگیز» دئیه جواب وئرر. بو سسلري دویان جماعت پيشيكلرین  حامیله‌ اولدوقلارین  بيلرلر. بير يئره ييغيشيب باشلارلار خيدير نبي قاووتي دوزلتمگه، چوخ دا يئمه‌لي‌ اولار.

قاووتي دوز‌لتمک اوچون آرپا، بوغدا، مكه، چدنه، گونه‌باخان توخومو، کونجود، قارپيز و قوهون توخومو و اييده‌ني بير _ بيرينه قاتيب اويودمك ( دارتماق) اوچون دييرمانا آپارارلار. اونوتماياق كي اييده و توخوملاري قابيقلي اويودرلر. بیر دب اولاراق دييرمانچي اويودمگه پول آلماز و اونون عوضينه كفله ‌ايله بير آز آرپا_ بوغدا گؤتورر.

اونو ائوه گتيريب، تاباغا بوشالتديقدان سونرا نيّت ائديب، ال د‌َيمز بير يئره قويارلار. دؤوره‌سينه‌ ده آينا، داراق، سورمه‌دان و مولچو دوزوب، گئدرلر گئجه‎ بویو سحره‌دك كيمسه اورايا دوْلانماز. اگر نذيرلري قبول اولورسا سحر چاغی بالاجا بير ال يئري قاوودون اوستونده گؤرونر. بونون خیدیر نبی‌ الی‌نین یئری اولدوغونا اینانارلار. البته بو ايشي گؤرن قادينلار شرعي نظردن تميز اولمالیدیر، دسته‌مازلي اولسالار دا مستحب‌ سایلیر. خیدیر نبی‌نین ال يئريني گؤرن سئوينجك اولار و آللاها شكر ائتمك اوچون ناماز قيليب، باشلايار قاووتلاري قاپي قونشو و ياخين قوهوملارا پاي _ پؤلوش ائتمگه. قاووتي آلانلار دا اونون يئرينه قند، يومورتا، دوز و يا پول قويوب قابلاري بوش قايتارمازلار. قاووتي يئمك اوچون عاييله‌لر اونو بير كاسايا تؤكوب بال، دوشاب و يا شيره ايله قاتارلار.




Sosial Şəbəkələr