خياوادا آتالار سؤزو و دئییملر/ سولماز محمد رضايي

سیمی‌دی،لنگری دی، چوخ بیلیب آز دانیشماق، ایگیدین لنگری دی.

  • -ننه سینه باخ قیزینی آل،آرشینینا باخ بئزینی آل.
  • -یئربرک اولاندا، اؤکوز اؤکوزون بوینونا آتار.
  • -ده‌ییرمان اؤز ایشینی گؤره‌ر، چاخ- چاخ باشینی آغریدار.
  • -میلچک قانا ییغیشار.
  • -اؤکوز اؤزونه شوخوم اکنده باشی آغرییار.

قایناقشخص: محمد محمدرضایی-یاش 60-ساواد6 کلاس دوغوم یئری:  مشکین شهرین "قورد تپه" کندی توپلاما زامانی: 20/11/86


ائل بيليمي نومره 1 دي 1387

www.azelbilimi.com


  • -سیمی‌دی،لنگری دی، چوخ بیلیب آز دانیشماق، ایگیدین لنگری دی.
  • -ننه سینه باخ قیزینی آل،آرشینینا باخ بئزینی آل.
  • -یئربرک اولاندا، اؤکوز اؤکوزون بوینونا آتار.
  • -ده‌ییرمان اؤز ایشینی گؤره‌ر، چاخ- چاخ باشینی آغریدار.
  • -میلچک قانا ییغیشار.
  • -اؤکوز اؤزونه شوخوم اکنده باشی آغرییار.
  • -قازان دئدی ایچیم قیزیلدی،چؤمچه دئدی بولانیب چیخمیشام.
  • -کئچی‌نین بوینوزو گیجیشنده، بوینوزون چوبانین آغاجینا سورته‌ر.
  • -فلان کس چکن کؤچون قاباغی گئدر یارلیغانا.
  • -سنین آندینا اینانیم یا تویوغون له‌له‌یینه؟
  • -چوخدان چوخ اؤلر، آزدان آز.
  • -باشیندان قالخدی دومانی.
  • -آز ایدی دلی دولو، بیری ده گلدی دابانی جیریق.
  • -یان منه، کول اولوم سنه.
  • -آنا گزن آغاجی، بالا بوداق-بوداق گزر.
  • -ائلین گوجو، سئلین گوجو.
  • -ائششک ایشلر، آت یئیه‌ر.
  • -درین قازان، دایاز قازان اؤزو دوشر.
  • -آجی سؤز ایسته‌میرسن،آغزینی شیرین سؤزه آچ.
  • -آری چیچیه‌یه قونار میلچک تزه‌یه.
  • -ایت-ایت له بوغوشار، قورد گؤرنده یووشار.
  • -بایقوش بلدچی اولسا، وئرانایا یول سالار.
  • -تاری وئریب زئینییه،دیشی یوخدو چئینییه.
  • -اولولار سؤزونه باخمایان اولویا-اولویا قالار.
  • -دلیک مینجیق یئرده قالماز.
  • -فتیرینی یئیه‌ن نامازینی دا قیلار.
  • -قاشین دوزلویو، ایریلیینده‌دیر.
  • -مین آجیسینی بیر شیریندن اؤتور اونوتمالیسان.
  • -یوموشاق یئرین بئل‏داری دیر.
  • -هر نه‌یین کالی یئتیشر، آدامین کالی یئتیشمز.  

ائل بيليمي نومره 1 دي 1387

www.azelbilimi.com


Sosial Şəbəkələr