یانیلماجلار / علی برازنده

«يانـيلتماج», «يانيلماجا», «ياهالتماجا», «شاشيرتماجا», «تکرارلاما» و «تکرله‌مه»لر تورکلرين آراسيندا تانـينميش اوشاق فوْلکلوْرو قوْللاريندان بيري اوْلدوغو حالدا، سؤز اوْيونو کيمي ده بؤيوکلرين ياراديجـيقلاريـندا، اؤزلليکله داستانلاردا و اويدورمالاردا گؤرونور.


آذری 6 جو سایی (ائل دیلی و ادبیاتی درگیسی 13-جو سایی)  1383-جی ایل

www.Azelbilimi.com


يانيلتماج بير چوْخ فرقلي آدلارلا تورک فوْلکلوْروندا يـئر آلميش يانـيلتماج‎لار اوشاقلارين ديل باجاريقلاريني گئنيشلتمک و اوشاقلارين بير- بيرلريني سيناغا چکيب, ايلنجه و گولمه‌جه ياراتماق آماجيله دئـييلن سؤزلردير و بير سيرا ياخـين حرفلري و دال با دال سؤيله‌ننده دئمه‎يي چتين اوْلان سؤزلرين دئمه‎يين‌دن اوْرتايا گلير.

بو سؤزلر بير جومله شکلينده يا دا بير تکرارلاما حالـيندا دئـييلير و چوْخلو  نومونه‌لري واردير، جومله شکلينده اوْلان حالدا اوْنلاري بير نئچه دفه تـکرارلاما گره‎کير. يانيلتماج‎لار سؤيله‎ييشي چتين اوْلان تکرارلامالارديلار کي, بعضن يازيلي حالدا بئله اوْنلاري اوْخوماق چتين اوْلور.

«يانـيلتماج», «يانيلماجا», «ياهالتماجا», «شاشيرتماجا», «تکرارلاما» و «تکرله‌مه»لر تورکلرين آراسيندا تانـينميش اوشاق فوْلکلوْرو قوْللاريندان بيري اوْلدوغو حالدا، سؤز اوْيونو کيمي ده بؤيوکلرين ياراديجـيقلاريـندا، اؤزلليکله داستانلاردا و اويدورمالاردا گؤرونور.

  • آتي مين ايتي قوْو,  ايتي مين آتي قوْو.
  • آدام معدنه گئتميش، معدنده بادام يـئميش، مادام کي, معدنده بادام يـئميش، بس نييه بيزه وئرمه‌ميش؟
  • آشپاز عاباس آش آسميش, ياخشي آسميش، خوْش آسميش.
  • آشپاز عاباس بوْزباش آسار، اوْباشدا بوباشدا.
  • آغ بال قاباق, بوْز بال قاباق, بوْز بال قاباق, آغ بال قاباق.
  • آل بو تاققاتوقلاري تاققاتوقچويا تاققاتوقلانمايا گؤتور، اگر تاققاتوقلاري تاققاتوقچو تاققالاماسا، تاققاتوقلاري تاققاتوقچودان تاققاتوقلاتمادان گؤتور گتير.
  • آي آخساق آشپاز حسن شاه! آشپازلار آش بيشيريرلر سن‌ ده گل آش بيشير آي آشپاز حسن شاه.
  • ائل- عالم آل دانا آلدي آلدانديلار، بيز بير آل دانا آليب آلدانماديق.
  • ائللر مزه‌لنميشده بيز مزه‌لنمه‌ميشيک مگر؟
  • ال- اوزوموزو يوياق، اوزوموموزو يئـيه‎ک, اوزوموموزو يئـيه‎ک، ال اوزوموزو يوياق؟
  • ايت ايتي ايتير، بيت ايتي ايتير، ايت بيتي ايتير، ايت گئتدي، بيت گئتدي، ايت بيت گئتدي.
  • بازاردا نه اوجوز؟ ميس اوجوز, دوز اوجوز, کونجود اوجوز.
  • بو ائششک، اسکي ائششک.
  • بو اليمده‌ کي تسبئح، عمامه‌له‌نمه‌لي‎مي، عمامه‌له‌نمه‎مه‌لي‎مي؟
  • بوْز آتين بوْز توْرباسين بوْش آس باشيندان, آپار ايسلات ياش آس باشيندان .
  • بو قارا قانتار قيرخ کيلوْ قارا قاتران دارتار.
  • بو قارپيز دا قارين سانجيلانديران‎لاردانميش.
  • بو کاسا بيزيم اؤزوموزونوموش.
  • بو کؤشه ياز کؤشه‌سي، بو کؤشه قيش کؤشه‌سي، اوْرتادا سو شوشه‌سي.
  • بو گون چرشنبه آخشاميدير، چرشنبه آخشاملاشيرسان گل چرشنبه آخشاملاشاق، چرشنبه آخشاملاشميرسان چرشنبه آخشاملاشماياق.
  • بو مومچونون مومو عومومي مومدور.
  • بو ميس چوْخ پيس ميسميش, بو ميسين جينسي پيسميش, بو ميس کاشان ميسي‎ايميش.
  • بو يوْغورتو ساريمساق‌لاساق دا يئسه‎ک، ساريمساقلاماساق دا يئسه‎ک
  • بو يوْغوردو مايالاييب ساخلاساق دا، مايالاماييب ساخلاساق دا؟
  • بير ايکي‎دير بير ايکي, بئش آلتي‎ًدير بئش آلتي, اينانميسان ساي دا باخ, اوْن آلتي‎ًدير اوْن آلتي.
  • بير پينه‌چي، بيرينجي دفه بير نئچه باشماغي بير- بيرلرينه اينجي کيمي پينه‌دي.
  • بيزه اوچ آد بللي‎دي/شکرليدي بالليدي/ علي، ولي، پيرعلي/ محمد اوْندان ايره‌لي/ فينديقيستان، قازيستان/ رحمتليک سنين آتان/ فاطما، توکزبان/ زوبئيده، بير جان/ توکزبان دئيير/ فاطما هئي يئـيير/ فاطما توکزبان/ قاريشدي هر يان/ کيشنه‎دي گؤيلر/ داغيلدي ائولر/ فاطما توکزبان/ ايکيسي بير بوْيدا/ فاطما دالاشدي/ زوبئيده قاچدي/ باريدان آشدي/ چارخا دوْلاشدئ/ تنديره دوشدو.
  • بيزه بيزده بيز دئيه‎رلر، سيزده بيزه نه دئيه‎رلر؟
  • تامارزيلي توْپال شاعبان، ياتار چاتار ساتار سامان.
  • جومه گونو جومه مچيدده جووللر جوولي جابارين جيبلريندن جوبللرين جوبوتدولر.
  • حاققي حاققينـين حاققيني ايسته‌دي، حاققي حاققينـين حاققيني وئرمه‌دي، حاققي‌ دا حاققينـين حاققيندان گلميش
  • حاققي حاققينين حاققيني يئميش، حاققي حاققي‌دان حاکيمه شيکايت ائتميش، حاکيم حاققييا حاققيني وئرمه‌ميش، حاققي ‌دا حاققينـين حاققيندان کئچميش
  • حاقلي حاقلينـين حاققينـي يئميش, حاقلي حاقليدان حاققين ايسته‌ميش  حاقلي حاققينـين حاققينـي وئرمه‌ميش,حاقليدا حاققينـي حاقدان آلميش
  • حاوا خالا، تندير قالا، کوْسوْوو گؤتور، مني قوْوالا
  • دال سارخار قارتال قالخار، قارتال قالخار دال سارخار
  • دئدي دو(ر) دا نه دورموسان
  • دييرمانا گيردي کؤپک، دييرمانچيدان يئدي کؤتک، هم کؤتک يئدي کؤپک، هم کپک يـئدي کؤپک
  • ساريمساقلاساق دا ساخلاساق ساماني، ساريمساقلاماساقدا گلير زاماني؟ ساريمساق‌لاساق‌ دا گليرسه زاماني، نييه ساريمساق‌لاماياق ساماني
  • سريه سورونو سورويه- سورويه سالدي سرين سردابييا

آردي وار

Sosial Şəbəkələr