تبريز مطبخي/ معصومه شقاقي

چوخ یئرده اولدوغو کیمی تبریزده ده اؤزه‌ل گونلر اوچون اؤزه‌ل یئمکلر حاضیرلانیر. بو گونلری و اونلاردا حاضیرلانان یئمکلری آشاغیداکی شکیلده خلاصه ائتمک اولار. البته حاضیرلانان یئمکلر و ایچمکلرله یاناشی مؤوجود میوه‌لر و یئمیشلردن ده (خورما، قارپیز، اییده، قووون، و...) بئله بیر گونلرده فایدالانیلیر. بورادا بو یئمک‌لر و تبریزه عایید بیر سیرا باشقا یئمک-ایچمک‌لرین آدلاری آپاریلیر.


ائل بيليمي- بيرينجي نومره- دي 1387

http://www.azelbilimi.com


چوخ یئرده اولدوغو کیمی تبریزده ده اؤزه‌ل گونلر اوچون اؤزه‌ل یئمکلر حاضیرلانیر. بو گونلری و اونلاردا حاضیرلانان یئمکلری آشاغیداکی شکیلده خلاصه ائتمک اولار. البته حاضیرلانان یئمکلر و ایچمکلرله یاناشی مؤوجود میوه‌لر و یئمیشلردن ده (خورما، قارپیز، اییده، قووون، و...) بئله بیر گونلرده فایدالانیلیر. بورادا بو یئمک‌لر و تبریزه عایید بیر سیرا باشقا یئمک-ایچمک‌لرین آدلاری آپاریلیر.

آخیر چرشنبه- پیلو ، آجیل، قورو میوه‌لر

اوروجلوق آیی- آش، فیرنی، سودلو آش، یاغ‌لی و شیرین کوکه‌لر، موراببا‌لار، حالوا‌لار

اوشاغین دیش چیخارتماسیندا– دیش‌لیک

ابن مولجم گئجه‌سی (رمضان آیینین 27-سی)– کلله پاچا بول‌لو ساریمساقلا

توی مراسیمی- پیلو، شیرینجات، نوغول، نابات

چیلله- پشمک، پخله،آجیل

حضرت ابوالفضل سوفره‌سی– آش، پیلو، مئیوه، چئشیدلی شیرینی‌لر

خانیم رقیه سوفره‌سی- پنیر چؤرک، یئمه‌لی گؤی، آجیل، شکر پنیر

ختم انعام– چئشیدلی شیرینی‌لر، حالوا، ساری‌شیله

خسته‌لیک زامانی– سویق دیمه‌یه آش و دملمه‌لیلر؛ اوسکورنده کته، مرجی شیله‌سی، چایلار؛ ذات‌الریه‌ده آش، چایلار، تویوق سویو؛ ایستی ووراندا  آبدوغ، شوورن؛ ایسهال اوچون کته-یوغورت، شربت، شاهیسپرن عراغی، لومو شربتی؛ قیزیلجادا شویود عراغی؛ سویوقلوقدا  شاهیسپرن عراغی، گول شربتی؛

دوغوم- قویماق، کاباب، مرصع (یاغ-یومورتا)

رغئییب (اؤلولر بایرامی–‌دیری‌لر بایرامی)- حالوا

فیطیر بایرامی- پیلو، یاغ‌لی چؤرک‌لر

قورآن ختمی- پیلو، چئشیدلی شیرنی‌لر

قوربان بایرامی– پیلو، قوربا‌لیق اتی

محرم– ساریشیله، قورودلو آش، یاغ‌لی کوکه‌لر، شربت، سودلو آش

نوروز بایرامینین اون‌اوچو– گنگر پیلو، کاهی دوشابلا یادا ایسکنجبینله

نوروز بایرامی- اریشته پیلو، سمنی، بویا‌لی یومورتا، چئشیدلی شیرنی‌لر

یاس مراسیمی- پیلو، حالوا

طبیعی کی بو یئمک‌لرینحاضیرلاما پروسه‌سینی ایضاح ائتمک نؤبه‌تی یازیلار شکلینده گله‌جه‌یه تاپشیریلیر. البته آذربایجانین باشقا بؤلگه‌لرینین مطبخ‌ینین تانیتدیریلماسی اوچون آیری قلمداشلارین یازیلارینی ائل بیلیمی عنوانیندا گؤزله‌ییریک.


ائل بيليمي- بيرينجي نومره- دي 1387

http://www.azelbilimi.com

Sosial Şəbəkələr